Ballina Lajme nacionale Nisin kalkulimet e partive politike për koalicionet parazgjedhore

Nisin kalkulimet e partive politike për koalicionet parazgjedhore

30
SHPËRNDAJE

Partitë politike kanë nisur kalkulimet për zgjedhjet e ardhshme parlamentare.

Partitë politike në Kosovë kanë nisur të bëhen gati për zgjedhje të reja.

Sikurse opozita, ashtu edhe subjektet që janë në pushtet kanë nisur t’i bëjnë kalkulimet e tyre për koalicione parazgjedhore. Disa prej subjekteve tashmë kanë vendosur edhe vijat e kuqe sa u përket koalicioneve.

Menjëherë pasi lideri i AAK-së Ramush Haradinaj ka dhënë dorëheqje nga pozita e kryeministrit, partitë politike kanë nisur të përgatiten për zgjedhje të parakohshme. Në këtë drejtim subjektet politike kanë filluar diskutimet e brendshme për koalicionet e mundshme parazgjedhore.

Disa prej tyre tashmë kanë vendosur edhe vijat e kuqe, duke eliminuar çdo mundësi gare me disa prej partive që aktualisht janë pjesë e pushtetit. Derisa PSD-ja ka vendosur vijë të kuqe për PDK-në, LVV-ja, pos PDK-së, vijë të kuqe i ka vënë edhe AAK-së e Nismës, shkruan zëri.

Kalkulimet e partive kanë filluar ende pa u dhënë drita jeshile për zgjedhjet. Por para se të shkohet tek opsioni i zgjedhjeve Kushtetuta e jep edhe një mundësi tjetër për të dalë nga situata e tanishme.

-----