Ballina Lajme nacionale Ngjarja e rëndë në Shtime, babai i pronarit të shtëpisë jep detaje...

Ngjarja e rëndë në Shtime, babai i pronarit të shtëpisë jep detaje rreth rastit

90
SHPËRNDAJE

Babai i pronarit të shtëpisë në Shtime ka rrëfyer ngjarjen.

Një muaj ndalim ka kërkuar Prokuroria e Ferizajt për vëllezërit Ndrecaj.

Këta dyshohet se e vranë një grabitës që iu hyri në shtëpi të mërkurën në mëngjes në Godanc të Shtimes.

Këtë kërkesë e ka aprovuar Gjykata Themelore e Ferizajt si pjesërisht të bazuar.

Kështu, pronarit të shtëpisë ia ka caktuar masën e ndalimit prej një muaji, ndërsa vëllait të tij masën e arrestit shtëpiak për shkak të dyshimit të bazuar se në bashkëkryerje kanë kryer veprën penale.

Ndërkohë, sipas Policisë, në këtë rast morën pjesë më shumë persona.

Policia po kërkon 3 të dyshuar të tjerë, të cilët dyshohet se janë nga Rajoni i Prishtinës.

Ndërkohë, gjurmët e përleshjes me mjet janë ende të freskëta në dhomën e pronarit të shtëpisë në Godanc.

E babai i pronarit flet për momentin kur kishte kuptuar se i kanë hyrë hajnat.

E dhëndëri i kësaj familjeje, Bedri Salihaj, tregon se si kishte ndodhur rasti, derisa thotë se miku i tij kishte arritur të fshihej deri sa ishin larguar disa nga grabitësit.

Megjithatë, njëri nga grabitësit nuk kishte arritur të largohet, pasi ishte lënduar deri kishte tentuar të kërcente nga tarraca e shtëpisë.

Bile familjarët mohojnë se vëllezërit Ndrecaj kanë keqtrajtuar viktimën.

Gjatë së enjtes, qytetarët e kësaj ane kanë protestuar para Komunës së Shtimes për lirimin e bashkëfshatarit të tyre, derisa janë pritur në një takim nga kryetari i kësaj komune, Naim Ismaili.

-----