Ballina Lajme nacionale Nesër vaksinohen në Shqipëri 250 mjekë të Kosovës

Nesër vaksinohen në Shqipëri 250 mjekë të Kosovës

11
SHPËRNDAJE
- Sponsor gjeneral -
250 mjekë nga Kosova do të vaksinohen me vaksinat anti-COVID-19 në Shqipëri. Vaksinimi Sipas Federatës Sindikale e Shëndetësisë së Kosovës (FSSHK), do të kryhet  ditën e nesërme.

Kjo vjen pas arritjes së marrëveshjes ndërmjet institucioneve shëndetësore të të dyja vendeve.

Federata Sindikale e Shëndetësisë së Kosovës (FSSHK), ka  njoftuar se do të vaksinohen edhe 250 të tjerë në ditët në vijim,

“Nesër do të vaksinohen rreth 250 punëtorët e parë ndërsa në ditët në vijim do të vazhdohet edhe me 250 të tjerë”, thuhet në komunikatë.

Komunikata e plotë:
Njoftojmë opinionin e gjerë e sidomos punëtorët shëndetësor se ashtu siç kemi paralajmëruar është arritur marrëveshja për vaksinimin e punëtorëve shëndetësor të Kosovës në Kukës.

Nesër do të vaksinohen rreth 250 punëtorët e parë ndërsa në ditët në vijim do të vazhdohet edhe me 250 të tjerë.
Delegacioni i FSSHK-së i përbërë nga Kryetari Dr. Blerim Syla dhe Dr. Islam Krasniqi në prani të Ambasadorit të Kosovës në Shqipëri Zt. Nait Hasani sot kanë zhvilluar takim me Ministrinë e Shëndetësisë të Republikës së Shqipërisë dhe janë dakorduar për qështjet teknike të vaksinimit të punëtorëve shëndetësor të Kosovës.
Në fund edhe njëherë FSSHK falenderon Kryeministrin Rama,stafin e Ministrisë së Shëndetësisë të Republikës së Shqipërisë si dhe Ambasadorin e Kosovës në Shqipëri Zt. Nait Hasani për angazhimin e pashoq.
Për informatën tuaj në Kukës është duke u pregatitur një hapësirë e veçantë për vaksinimin e punëtorëve shëndetësor të Kosovës edhe pse në këto orë të vona të natës.
Me respekt,
Dr.Blerim Syla

Kryetari i FSSHK

The post Nesër vaksinohen në Shqipëri 250 mjekë të Kosovës appeared first on Abc News.

---- ----
-----