Ballina Lajme nacionale Nëse ndodh kjo, nuk do të ketë zgjedhje të jashtëzakonshme

Nëse ndodh kjo, nuk do të ketë zgjedhje të jashtëzakonshme

22
SHPËRNDAJE

Kosova po përgatitet për zgjedhje të jashtëzakonshme pas dorëheqjes së Ramush Haradinajt nga pozita e kryeministrit.

Ramush Haradinaj ka zyrtarizuar dorëheqjen nga posti i kryeministrit duke i njoftuar udhëheqësit e institucioneve, partnerët e koalicionit dhe liderët e partive politike të përfaqësuara në Kuvend.

Me deponimin e aktit të dorëheqjes në Kuvend dhe Presidencë ka nisur të rrjedhin afatet ligjore për caktimin e mandatarit tjetër ose shkuarjes në zgjedhje të parakohshme, shkruan sot Koha Ditore.

Edhe pse partitë politike kanë mobilizuar shtabet zgjedhore, njohës të rrethanave nuk e përjashtojnë mundësinë e krijimit të një qeverie gjithëpërfshirëse, nëse ka presion të fortë ndërkombëtar.

“Për hir të bisedimeve me Serbinë mund të ketë presion ndërkombëtar për krijimin e një qeverie gjithëpërfshirëse, e cila do të kishte jetëgjatësi më së shumti një vit. Përveç arritjes së marrëveshjes, për të cilën po insistojnë amerikanët, partitë do të merreshin vesh edhe për finalizimin e reformës zgjedhore. Por, marrë parasysh përçarjet e brendshme, përfshirë ato brenda koalicionit, kjo është vështirë të ndodhë”, ka thënë për gazetën politologu Ramush Tahiri.

Sipas tij, kërkesa për shmangien e zgjedhjeve mund të paraqitet në konsultat që presidenti Thaçi do t’i zhvillojë me të gjitha partitë, pasi të konfirmohet dështimi i PAN-it për ta nxjerrë një kandidat tjetër.

-----