Ballina Lajme nacionale Në Komisionin Hetimor përplasen Zeka e Mustafa

Në Komisionin Hetimor përplasen Zeka e Mustafa

11
SHPËRNDAJE

Telekomi është në gjendje të tmerrshme.

Ish-kryeshefi i Telekomit, Agron Mustafa, i ftuar për intervistim nga Komisioni Hetimor Parlamentar në lidhje me gjendjen në Telekomin e Kosovës, është përballur sy më sy me deputetin Milaim Zeka.

Sot para Komisionit Hetimor për PTK-në dhe Valën po raporton ish-kryeshefi i Telekomit, Agron Mustafa.

Mustafa para se të fillojë me raportimin e tij tha se Milaim Zeka ka pasur raporte kontraktuale në Telekom, andaj prania e tij në këtë komision është konflikt interesi.

“Deklaroj që deputeti Milaim Zeka bën veprime të kundërligjshme duke qenë në këtë komision, për këtë çështje unë kam dërgua edhe ankesë në AKK. Milaim Zeka ka kohë që me Telekomin është marrë për çështje të tij personale. Ai ka aty interesa private ai deri sa është bërë deputet ka pasë raporte kontraktuale në Telekom. Mialim Zeka ka bërë kërcënime dhe shantazhe ndaj meje andaj nuk duhet pjesë e komisionit ja arsye që prania e tij në komision ka të bëj me konfliktin e interesit”.

Ndërsa deputeti Zeka e luti Mustafën që për gjëra personale të vazhdon debati jashtë parlamentit.

“Gjërat personale që i ke me mua vazhdoj jashtë parlamentit të Kosovës, unë s’kam kurgjo personale me ty”, i tha Zeka Mustafës, raporton EO.

-----