Ballina Lajme nacionale Në Gjilan, e gjithë dega e Alternativës shkrihet në NISMA

Në Gjilan, e gjithë dega e Alternativës shkrihet në NISMA

9
SHPËRNDAJE

Zhvillime të mëdha politike kanë ndodhur sot në qytetin e Gjilanit, ku kryetari i degës së Alternativës, Alfred Halili sekretari organizativ Fikri Mehmeti me gjithë strukturat e kësaj partie në Gjilan i janë bashkuar subjektit tonë politik NISMA Socialdemokrate.

Kjo ngjarje ka ndodhur sot, e ku i pranishëm ishte sekretari i përgjithshëm i Nismës, Bilall Sherifi, kryetari i degës Sevdail Robeli, ministri Endrit Shala dhe Valdete Bajrami ndër themelueset e para të kësaj partie, njëherit drejtuese e forumit të gruas së Nismës.

Sekretari Sherifi i uroi mirëseardhje z. Halili dhe gjithë strukturave të Alternativës që sot janë bashkuar Nismës, duke ju shprehur mirënjohje për vullnetin dhe gatishmërinë për t’u rreshtuar krahë Nismës.

Gatishmëria e gjithë strukturës së Alternativës në Gjilan për të vazhduar rrugëtimin politik në Nismë, tregon se vizioni ynë politik është i drejtë, parimor dhe i duhuri për shtetin tonë, Kosovën, ka thënë Sherifi.

Nismës Socialdemokrate së fundmi i janë bashkuar personalitete të shumta, të cilët po gjejnë hapësirën e nevojshme për të dhënë kontributin e tyre profesional e politik.