Ballina Lajme Bota/Rajoni Ndryshimet klimatike kërcënojnë 60% të pyjeve europiane

Ndryshimet klimatike kërcënojnë 60% të pyjeve europiane

20
SHPËRNDAJE
- Sponsor gjeneral -
Mushkëria e gjelbër e Europës është gjithnjë e më e ndjeshme, pasi ngrohja globale kërcënon më shumë se gjysmën e pyjeve të kontinentit me zjarre, erëra të forta dhe përhapjen e insekteve dhe parazitëve të dëmshëm.

Për të vlerësuar dhe përcaktuar këto dobësi, bazuar në të dhënat e 40 viteve të fundit, është një studim i kryer nga Qendra e Përbashkët e Kërkimit (JRC) e Komisionit Europian në Ispra (Varese), në bashkëpunim me Institutin Max-Planck dhe universitetet e Firences, Valencias dhe Helsinkit.

Rezultatet, u botuan në revistën ”Nature Communications”, dhe ato mund të kontribuojnë në përmirësimin e strategjive të mbrojtjes së mjedisit.

“Sidoqoftë, ka hapësirë ​​të mjaftueshme për përmirësim”, shpjegon Giovanni Forzieri, inxhinier mjedisor, sepse të dhënat tregojnë se cënueshmëria varet shumë nga parametrat strukturorë siç janë lartësia dhe mosha e pyjeve dhe shkalla e mbulimit të gjetheve.

Në Europë, pyjet mbulojnë një sipërfaqe prej mbi dy milionë kilometra katrorë, e barabartë me 33% të sipërfaqes së kontinentit.

Në pamundësi për të reaguar ndaj ndryshimeve më të papritura, për shkak të ngadalësisë që karakterizon rritjen e pemëve, pyjet tani janë më shumë se kurrë të prekur nga ngrohja globale.

Zjarret janë një kërcënim veçanërisht për Suedinë, Finlandën, Rusinë, Turqinë dhe pjesën jugore të Gadishullit Iberik, por ato janë gjithashtu gjithnjë e më të pranishme në Itali.

Ndjeshmëria ndaj sulmeve të insekteve është rritur në përgjithësi nga viti 2000 deri më sot, madje edhe me 2% në dekadë në pyjet veriore (në disa zona të Skandinavisë dhe Rusisë) ku temperaturat rriten më shpejt.

---- ----
----
-----
-----