Ballina Lajme nacionale Moti për ditët në vazhdim, këto janë temperaturat

Moti për ditët në vazhdim, këto janë temperaturat

49
SHPËRNDAJE

Mot me temperatura të larta po mbretëron këto ditë.

Vala e të nxehtit vazhdon edhe në ditët në vijim, por pasdite vende-vende mundësi për reshje lokale shiu. Fundjava me kthjellime dhe më nxehtë.

Vala e të nxehtit mbetet mbi rajon, edhe pse nga dita e sotme një front i ftohtë që është shtrirë në pjesët veriore të rajonit, ka zhvendosur vapën më në jug. Dy ditëve të ardhshme, orëve të pasdites mbetet mundësi që vende-vende të ketë reshje lokale shiu me bubullima, kryesisht rreth viseve malore.

Në fundjavë parashihet të mbajë mot më stabil, me kthjellime dhe temperatura në rritje.

Nga java e ardhshme masa më të freskëta ajrore dhe të paqëndrueshme, do të depërtojnë mbi rajon, duke mundësuar edhe reshje lokale shiu, me tendencë të uljes së temperaturës rreth vlerave mesatare.

5.07 – Nxehtë, deri nga mesdita kryesisht kthjellët. Pasdite vende-vende mundësi për reshje lokale shiu me bubullima.

6.07-7.07 – Në fundjavë nxehtë, kryesisht kthjellët dhe me diell. Të dielen pasdite vransira kalimtare.

8.07 – Nxehtë, vransira dhe intervale me diell. Pasdite mundësi për reshje lokale shiu dhe bubullima.

Temperaturat e ajrit mbeten të larta dhe mbi vlera mesatare. Minimalet do të luhaten nga 15C deri në 17C, e maksimalet nga 30C deri në 33C.

Do të fryj erë e lehtë kryesisht nga krahu verior 1-4m/s., e nga dita e diel, erë mesatarisht e fuqishme nga jugperëndimi 4-12m/s.

Shtypja atmosferike deri në fundjavë gradualisht do të zbres edhe nën vlera normale.

-----