Ballina Lajme nacionale Maqedonia e Veriut do të luftojë Covid-19 me vaksina kineze

Maqedonia e Veriut do të luftojë Covid-19 me vaksina kineze

21
SHPËRNDAJE
- Sponsor gjeneral -

Lajmi i Fundit
Maqedonia e Veriut do të luftojë Covid-19 me vaksina kineze

Autoritetet shëndetësore në Maqedoninë e Veriut po shqyrtojnë seriozisht mundësinë e blerjes së vaksinave kundër Covid-19 nga prodhuesit kinezë “Sinovak” dhe “Sinofarm”.

Lajmin e bëri me dije ministri i Shëndetësisë Venko Filipçe, në një intervistë të dhënë për mediat vendase duke theksuar se me ndihmën e ambasadës kineze në vend, tashmë kanë krijuar kontakte me prodhuesit e vaksinave.

“Jemi duke pritur për detaje në lidhje me kontratën, në lidhje me çmimin dhe dorëzimin dhe besoj se deri në fund të kësaj jave do t’i kemi të gjitha këto detaje.

Tani nuk do të doja të flisja për afatet, por thelbi është se është e qartë që prodhuesit të cilët së pari arritën të hyjnë në treg, flasim për Pfizer, për shembull, kanë probleme me kapacitetin.

Shumë vende evropiane kanë paralajmëruar padi për mospërmbushje të marrëveshjeve, Kroacia do të ndërpres procesin e imunizimit dhe kjo është diçka që na bën të punojmë praktikisht në të gjitha fushat për të siguruar një proces integral, pa pushim, që nga momenti i fillimit të imunizimit, natyrisht me të gjitha vaksinat e sigurta”, tha mes tjerash ministri Filipçe.

Pyetur nëse këto vaksina do të paraqesin problem pasi nuk janë miratuar nga Agjencia Evropiane e Ilaçeve, ministri u përgjigj se nuk ka dyshime për cilësinë e tyre.

“Dokumentet, certifikatat që të gjithë prodhuesit e vaksinave i posedojnë nga vendet amë janë plotësisht të përshtatshme. Në atë kuptim, mënyra në të cilën vlerësohen të gjitha rezultatet e studimeve klinike, procesi i bërjes së vaksinave, posaçërisht ato për të cilat po flasim, është e njohur për ekspertët tanë.

Kjo është pikërisht ajo që ata kanë analizuar për pothuajse të gjitha vaksinat që tani janë në treg, kështu që nuk ka asnjë pengesë administrative dhe, natyrisht, nuk ka dyshim për cilësinë e tyre”, tha mes tjerash Filipçe.

Gjithsesi, ministri Filipçe pohoi se vendi do të ketë prioritet mekanizmin COVAX të shpërndarjes së vaksinës si dhe marrëveshjen direkte me kompaninë Pfizer.

Maqedonia e Veriut do të luftojë Covid-19 me vaksina kineze
Jonida Dama

---- ----
----
----- ----
-----