Ballina Lajme nacionale “Lugina 2” , policia zbulon drogën e tre vëllezërve në Tiranë (Foto)

“Lugina 2” , policia zbulon drogën e tre vëllezërve në Tiranë (Foto)

19
SHPËRNDAJE

Policia e Tiranë ka ndërmarrë operacionin e koduar “Lugina 2”, për parandalimin e kultivimit të bimëve narkotike. Gjatë këtij operacioni është goditur një rast i tentativës për kultivimin e lëndëve narkotike në një zonë të pyllëzuar dhe janë sekuestrohen 60 fidanë kanabis.

Policia ka vënë në pranga dy vëllezër, ndërsa vëllai tjetër i tyre është shpallur në kërkim. Por procedimit penal nuk i ka shpëtuar as kryeplaku, ndaj të cilit do të kryhen hetime në gjendje të lirë.

Në zbatim të detyrave të përcaktuara në Planin e Veprimit, për marrjen e masave për parandalimin e kultivimit të bimëve narkotike, duke ushtruar kontroll periodik të territorit, si dhe bazuar në informacionet e marra në rrugë operative për disa shtetas që përgatiteshin për të kultivuar bimë narkotike në zonën e quajtur “Përroi i Bllomes” në pyllin e fshatit Mënik është organizuar dhe zhvilluar operacioni i koduar “Lugina 2”.

Si rezultat i operacionit u arrestuan në flagrancë shtetasit:  – M. G., 17 vjeç, banues në fshatin Mënik/Ndroq – T. G., 35 vjeç, banues në fshatin Mënik/Ndroq, U shpall në kërkim dhe po punohet intesivisht për kapjen e shtetasit: – E. G., 37 vjeç, banues në Mënik/Ndroq (të tre vëllezër).

Gjithashtu u procedua në gjëndje të lirë kryeplaku i njësisë administrative Ndroq, shtetasi: S. B., 61 vjeç, banues në fshatin Mënik/Ndroq.

Gjatë operacionit në territor në vendin e quajtur “Përroi i Bllomes”, në pyllin e fshtatit Mënik në Njësinë Administrative Ndroq u evidentuan fidanë kanabis tē kultivuara në tokë.

Materialet procedurale u referuan Prokurorisë pranë Gjykatës Shkallës Parë Tiranë për veprën penale “Kultivim i bimëve narkotike, kryer në bashkëpunim”, në ngarkim të shtetasve M. G., T. G., dhe E. G., dhe për veprën penale “Moskallzim krimi” në ngarkim të shtetasit” S. B.

-----