Ballina Lajme Bota/Rajoni Luftë në Meksikë/ Bandat qëllojnë turmën, 9 të vrarë, disa prej tyre...

Luftë në Meksikë/ Bandat qëllojnë turmën, 9 të vrarë, disa prej tyre fëmijë

16
SHPËRNDAJE

Persona të armatosur qëlluan për vdekje nëntë vetë në një vend ku luheshin video lojëra në Meksikën perëndimore, dhe në mesin e të vdekurve ishin tre fëmijë të moshës 12, 13 dhe 14 vjeç.

Prokurorët në shtetin e Michoacan thanë që sulmi ndodhi të hënën vonë dhe si pasojë ndërruan jetë nëntë person dhe u plagosën disa të tjerë.

Sulmuesit po kërkonin për objektiva specifikë, por më pas hapën zjarr ndaj të gjithëve. Dy nga viktimat ishin të moshës 17 dhe 18 vjeç.

Gjatë fundjavës, hetuesit gjetën gjithashtu trupat e dekompozuar të 11 personave në varret klandestine në Uruapan.

Prokurorët thanë që po hetonin një rast të një personi të zhdukur kur morën një këshillë rreth gropave klandestine të varrimit.

Të premten në Uruapan, njerëz të armatosur sulmuan një patrullë të policisë komunale, duke vrarë një oficer dhe duke plagosur dy të tjerë.

Ky sulm mund të ketë qenë hakmarrje për arrestimin e së premtes të një drejtuesi të bandës Viagra, i cili ka qenë i përfshirë në 19 vrasje.

Luftërat e terrenit midis kartelave të drogës Jalisco dhe Viagras, si dhe paraardhësve, kanë gjakosur qytetin për disa vjet.