Ballina Lajme nacionale Limaj: Duhet të thirret interpelancë, të kërkohet shkarkimi i Donika Gërvallës

Limaj: Duhet të thirret interpelancë, të kërkohet shkarkimi i Donika Gërvallës

16
SHPËRNDAJE
- Sponsor gjeneral -
Kreu i Nismës Social Demokrate, Fatmir Limaj ka folur rreth një deklarate se ministeres së Punëve të Jashtme, Donika Gërvalla në vitin 2015, ku kishte thënë se do të ndihmonte me materiale sapo të formohej Gjykata Speciale kundër, siç thoshte ajo, kokave të organizatës kriminale Hashim Thaçi dhe Kadri Veseli.

Limaj tha se nëse Gërvalla nuk distancohet nga ajo deklaratë, duhet të shkarkohet ose të japë dorëheqje sepse, sipas tij, është konflikt interesi.

“Nëse e mbroni atë çka jeni thënë në 2015, duhet me u shkarkuar, duhet me dhënë dorëheqje se keni konflikt interesi, sepse ju sot drejtoni diplomacinë e Kosovës”, tha Limaj në rtk.

Mw tej, ai tha se duhet të thirret interpelancë për të kërkuar dorëheqjen e Donika Gërvallës nga posti i ministres së Punëve të Jashtme.

“Të ftohet ministrja në interpelancë, të kërkohet shkarkimi i saj, për faktin se ka konflikt interesi. Habitem si partitë opozitare nuk kanë thirrë deri tash interpelancë dhe të kërkojnë shkarkimin e saj.”, tha Limaj.

Ai shtoi se në momentin kur dikush merr një post publik duhet të distancohet nga deklaratat e mëhershme sepse më nuk mund të mbajë qëndrim individual.

“Ne jemi qytetar të këtij vendi, si njerëz të thjeshtë kemi të drejtën e mendimeve tona, dhe askush smund të ia cenoj askujt shprehjen e mendimit të lirë pavarësisht a pajtohemi apo jo, kjo është deri sa ne nuk drejtojmë instituvione publike. Në momentin kur ju kaloni në një drejtim publik, duhet të distancoheni nga ajo që keni thënë, qëndrimi që keni mbajt. Të distancohet zonja e nderuar, s’ka qëndrim individual, gabim është, këta e kanë problem se nuk dinë të sillen në institucione publike”, shtoi Limaj.

The post Limaj: Duhet të thirret interpelancë, të kërkohet shkarkimi i Donika Gërvallës appeared first on Abc News.

---- ---- ----
-----