Ballina AKTUALE Kurti: Presheva e Bujanoci do të kenë mbështetje ekonomike dhe humanitar

Kurti: Presheva e Bujanoci do të kenë mbështetje ekonomike dhe humanitar

180
SHPËRNDAJE

Dje në orët e pasdites, Kryeministri në detyrë Albin Kurti, ka zhvilluar dy biseda telefonike, njërën me Kryetarin e Komunës se Bujanocit, Shaip Kamberi dhe tjetrën me Kryetarin e Komunës së Preshevës, Shqiprim Arifi.

Këtë e ka bërë të ditur Qeveria përmes një komunikate për media.

“Dy kryetarët, Kamberi dhe Arifi e njoftuan Kryeministrin në detyrë Kurti mbi menaxhimin e situatës me virusin COVID-19. Deri me tani janë tre të infektuar në Bujanoc, kurse asnjë i infektuar në Preshevë, autoritetet lokale të të dy komunave janë të përkushtuara në luftimin e pandemisë COVID-19 për gjithë qytetarët e saj”, thuhet në komunikatë

Kurti, në emër të Qeverisë të Republikës së Kosovës dy kryetarëve, Arifit dhe Kamberit, ua shprehu gatishmërinë e mbështetjes socio-ekonomike dhe humanitare.

Për të konkretizuar përkrahjen me kryetarët Kamberi dhe Arifi do të komunikojë edhe me Ministrin në detyrë të Financave dhe Transfereve, Besnik Bislimi.

-----