Ballina Lajme nacionale Kthehet për rishqyrtim Kodi Zgjedhor

Kthehet për rishqyrtim Kodi Zgjedhor

12
SHPËRNDAJE

 

Ashtu siç e kishte paralajmëruar, presidenti i Shqipërisë, Ilir Meta ktheu në Kuvend për rishqyrtim Kodin Zgjedhor të miratuar nga Parlamenti. Meta arsyetoi në dekret se ndryshimet që iu bënë Kodit janë në kundërshtim me Kushtetutën dhe cenojnë marrëveshjen e 5 qershorit.

“Janë në kundërshtim të hapur me Kushtetutën e Republikës së Shqipërisë dhe parimet themelore demokratike të mbrojtura prej saj; Këto ndryshime të rregullave zgjedhore, cenojnë parimet domokratike ndërkombëtare të realizimit të një procesit zgjedhor përmes zgjedhjeve të lira e të ndershme; Ndryshimet në Kodin Zgjedhor janë realizuar në mënyrë të njëanshme, pa konsensus gjithëpërfshirës dhe bien ndesh me frymën kushteve të vendosura nga Këshilli Europian në date 25 Mars 2020 dhe plotësimin e 15-kushteve përpara zhvillimit të konferencës së parë ndërqeveritare; Cenojnë parimin e procesit të rregullt ligjor, si dhe të drejtën për të zgjedhur e për t`u zgjedhur, e mbi të gjitha parimin e barazisë së votës.”

Më herët, mazhoranca ka paralajmëruar se do ta rrëzojë dekretin e Metës, pa i bërë asnjë ndryshim Kodit Zgjedhor./vizionplus

The post Kthehet për rishqyrtim Kodi Zgjedhor appeared first on RTV21.

-----