Ballina Lajme Bota/Rajoni Koronavirusi/ Njihuni me shtetin e parë europian që ka vënë nën kontroll...

Koronavirusi/ Njihuni me shtetin e parë europian që ka vënë nën kontroll pandeminë

122
SHPËRNDAJE

Ministri i Shëndetësisë së Norvegjisë, Bent Höie ka njoftuar se vendi ka vënë nën kontroll pandeminë e COVID-19.

Ministri Höie në një konferencë për media tha se në Norvegji para masave kundër COVID-19, një person infektonte 2,5 persona ndërsa pas masave të ashpra të ndërmarra muajin e kaluar shifra ka rënë në 0,7.

“Po të mos kishim marrë masa të ashpra do të përjetonim atë që ndodhi në vendet tjera evropiane”, tha ai.

Sipas të dhënave të përditësuara statistikore, ai bëri të ditur se në vend nuk ka rritje të numrit të rasteve me koronavirus. Ai shtoi se numri i pacientëve që ndodhen në spitale do të zvogëlohet në ditët në vijim.

Në Norvegji janë testuar 111.299 persona ndërsa prej atyre 5.755 janë diagnostikuar me koronavirus. Deri më tani 59 persona kanë humbur jetën në këtë vend.

-----