Ballina Lajme Bota/Rajoni Koronavirusi “gjunjëzon” Italinë, 34 të vdekur dhe 1577 të infektuar

Koronavirusi “gjunjëzon” Italinë, 34 të vdekur dhe 1577 të infektuar

21
SHPËRNDAJE
- Sponsor gjeneral -

Ka shkuar në 34 numri i personave që kanë ndërruar jetë pasi janë prekur nga koronavirusi në Itali. Lajmi është bërë i ditur nga shefi i Mbrojtjes Civile, Angelo Borrelli, i cili konfirmoi edhe 1,577 persona të prekur deri tani.

Lajmi i mirë është se 83 persona, të cilët kanë qenë të prekur me koronavirus, tashmë janë shëruar.

Ndërkohë, Greqia konfirmoi ditën e diel rastin e shtatë me koronavirus. Dy personat e fundit të prekur janë një burrë dhe një grua, të cilët së fundmi kishin udhëtuar në Itali. Sipas Ministrisë së Shëndetësisë personi tjetër i prekur nga virusi i ri është një mësuese nga Selaniku.

E ndërsa të shtunën autoritetet franceze vendosën të ndalojnë mbajtjen e takimeve publike, ku marrin pjesë mbi 5000 persona, sot është marrë një tjetër vendim në një nga vendet më të frekuentuara nga turistët francezë. Muzeu i Luvrit në Paris është mbyllur ditën e diel për shkak të një takimi të jashtëzakonshëm të punonjësve të tij.

---- ---- ----
-----