Ballina Lajme nacionale Komuna e Shtërpcës blen produkte të reja mjekësore, por nuk i përdorë

Komuna e Shtërpcës blen produkte të reja mjekësore, por nuk i përdorë

21
SHPËRNDAJE

Mjekësia kosovare është në gjendje të rëndë.

Jo rrallë herë ndodh që institucionet të blejnë mall e të mos e fusin në përdorim.

Komuna e Shtërpcës mallin e blerë për shërbime mjekësore po e lë në depot komunale pa e përdorur.

ZKA në raportin e saj për këtë komunë që udhëhiqet nga Bratislav Nikoliç, ka vërejtur se malli i blerë nuk është përdorur, transmeton Indeksonline.

Komuna kishte lidhur kontratë për “Blerjen e pajisjeve speciale medicinale“ me vlerë prej 27,280 euro.

Pavarësisht këtij çmimi dhe pajisjeve, malli nuk është përdorur dhe po qëndron në depot komunale.

Sipas arsyeve që Komuna iu ka dhënë ZKA-së, ndërtesa ku do të vendosen pajisjet nuk është përfunduar dhe planifikimi për furnizim i pajisjeve në atë kohë nuk ishte mirë menduar.

Mos përdorimi i mallit të blerë dhe pranuar paraqet rrezik nga keq përdorimet dhe përvetësimet.

Në të njëjtën kohë deponimi i pajisjeve për kohët të gjatë dhe mos përdorimi i tyre mund të rrezikoj edhe skadimin e afatit të përdorimit/ kohën e amortizimit.

-----