Ballina Lajme nacionale Kandidatura e Vjosa Osmanit, LDK e Gjilanit merr këtë vendim.

Kandidatura e Vjosa Osmanit, LDK e Gjilanit merr këtë vendim.

31
SHPËRNDAJE
- Sponsor gjeneral -

Vjosa Osmani është kandidate për kryeministre nga LDK në zgjedhjet e 6 tetorit.

Nën udhëheqjen e kryetarit të Degës së LDK-së në Gjilan, Lutfi Haziri, është mbajtur sot mbledhja e kryesisë së partisë.

Qëllimi i takimit ka qenë mobilizimi i strukturave të LDK-së në Gjilan për zgjedhjet e jashtëzakonshme që do të mbahen më 6 tetor, njofton LDK e Gjilanit.

“Kryesia e Degës ka vlerësuar lartë faktin që pas një debati të gjatë në kryesinë qendrore, është arritur që përmes marrëveshjes së madhe politike të dalë emri konsensual për kandidat për kryeministër, Vjosa Osmani”, thuhet në kumtesë.

“Kryesia e Lidhjes Demokratike të Kosovës ka konfirmuar BesëLidhjen për ta bërë fitoren e madhe të LDK’së dhe kandidates për kryeministre, Vjosa Osmani”.

Haziri ka kërkuar nga anëtarët e kryesisë, kryetarët e nëndegëve dhe dy forumet që të punojnë me modelin e njejtë sikurse në vitin 2017 kur ai fitoi Gjilanin.

---- ----
----
----- ----
-----