Ballina Lajme Bota/Rajoni Jo vetëm humbja e të atit: Ivanka Trump, në të tjera telashe

Jo vetëm humbja e të atit: Ivanka Trump, në të tjera telashe

23
SHPËRNDAJE
- Sponsor gjeneral -

Ivanka Trump, vajza dhe këshilltarja e presidentit Trump, u mor në pyetje nën betim këtë javë si pjesë e një procesi gjyqësor civil për keqpërdorim të fondeve për inaugurimin e të atit katër vjet më parë.

Zyra e Prokurorit të Rrethit Kolumbia, Karl Racine, njoftoi të martën në një dosje gjyqësore se dëshmia u zhvillua atë ditë.

Në një proces gjyqësor nga janari i këtij viti, Racine përcaktoi se kishte një abuzim me fondet jofitimprurëse me qëllim pasurimin e familjes Trump, e cila përfshinte biznesin e pasurive të patundshme të saj, si dhe subjekte të tjera.

Sipas procesit gjyqësor, korporata jofitimprurëse e përjashtuar nga taksat, emëruar Komiteti i 58-të i Përurimit të presidentit, në koordinim me familjen Trump, mbi-pagoi për hapësirën në eventin e zhvilluar në hotelin Trump International në Uashington.

Pretendohet që në një rast, një organizatë jofitimprurëse pagoi më shumë se 300 mijë dollarë për të mbajtur një pritje private në Hotel Trump për tre fëmijët më të mëdhenj të presidentit – Donald Jr., Ivanka dhe Eric – në mbrëmjen e inaugurimit të Trump, më 20 janar 2017.

“Ligji kërkon që organizatat jofitimprurëse të përdorin fondet e tyre për qëllime të synuara publike, jo për përfitime të individëve ose kompanive private,” tha Racine në fillim të këtij viti.

Procesi gjyqësor kërkon të rimarrë një milion dollarë që pretendohet se ishin drejtuar direkt në biznesin e familjes Trump.

Një zëdhënës i Shtëpisë së Bardhë nuk iu përgjigj menjëherë kërkesës së Reuters për koment, ndërsa komiteti i inaugurimit tha se financat e tyre kishin kaluar një audit të pavarur dhe se të gjitha paratë ishin shpenzuar legalisht.

Megjithëse ligjet e financimit të fushatës kufizojnë madhësinë e kontributeve të fushatës, komitetet përuruese mund të pranojnë donacione të pakufizuara, përfshirë ato nga korporatat, shkruan Reuters.

Sipas Komisionit Federal të Zgjedhjeve, 107 milion dollarë të mbledhur nga bordi inaugurues i Trump, kryesuar nga manjati i pasurive të patundshme dhe investitori Thomas Barrack, ishin më të mëdhatë në histori.

Ish -hefi i stafit të fushatës Trump, Rick Gates ishte nënkryetar i komitetit të inaugurimit. Rastësisht, Gates ishte një nga disa bashkëpunëtorët e Trump të dënuar në një hetim nga ish-Raportuesi Special Robert Mueller nëse Rusia ndërhyri në zgjedhjet e SHBA 2016, vëren Reuters.

---- ----
----
-----
-----