Ballina Lajme nacionale Ja kush do ta udhëheqë seancën konstituive të Kuvendit të Kosovës

Ja kush do ta udhëheqë seancën konstituive të Kuvendit të Kosovës

39
SHPËRNDAJE
- Sponsor gjeneral -

Është bërë e ditur se kush do ta udhëheqë seancën konstituive të Legjislaturës VII të Kuvendit të Republikës së Kosovës.

Kryesia e Kuvendit të Kosovës, e Legjislaturës VI, nën drejtimin e kryeparlamentarit Kadri Veseli, është mbledhur sot për të diskutuar lidhur me përgatitjet për seancën konstituive të Legjislaturës VII të Kuvendit të Republikës së Kosovës.

Në mbledhje ishin të pranishëm edhe përfaqësuesit e subjekteve politike parlamentare të Legjislaturës VII.

Veseli rikujtoi se konform vendimit të presidentit, seanca konstituive e Kuvendit do të mbahet më 26 dhjetor 2019, në orën 15:00.

Ai po ashtu bëri të ditur se në përbërjen e re parlamentare do të jenë të përfaqësuara 14 subjekte politike.

Ai njoftoi se seanca do të kryesohet nga deputeti më i vjetër në moshë, përkatësisht Jahja Kokaj nga Lëvizja Vetëvendosje, shoqëruar nga deputeti më i ri, në rastin konkret, deputetja Fjolla Ujkani, e cila po ashtu është nga Vetëvendosje.

Pikë e parë e seancës do të jetë formimi i komisionit të përkohshëm për verifikimin e kuorumit dhe të mandateve, për t’u pasuar me betimin e deputetëve.

Seanca konstituive do të përmbyllet me zgjedhjen e kryetarit dhe të nënkryetarëve të Kuvendit.

Në mbledhjen e sotme të Kryesisë, po ashtu u përcaktuan edhe ulëset për grupet parlamentare. Kështu, konform rregullores dhe praktikës së deritashme, grupi më i madh parlamentar (Vetëvendosje), do të ulet në qendër, grupi i dytë me radhë (LDK), në anën e djathtë të kryesuesit të seancës, ndërsa grupi i tretë (PDK), në anën e majtë të kryesuesit.

Përcaktimi i ulëseve për grupet e tjera do të bëhet gjatë ditëve në vijim.

---- ----
----
-----
-----