Ballina Lajme nacionale I plagosuri te tregu i veturave, QKUK-ja jep detaje për gjendjen e...

I plagosuri te tregu i veturave, QKUK-ja jep detaje për gjendjen e tij

31
SHPËRNDAJE

Një person është plagosur sot te treu i veturave.

Personi i plagosur mëngjesin e sotëm te tregu i veturave i është nënshtruar operacionit dhe ndodhet jashtë rrezikut për jetë.

Këtë e bëri të ditur Shefi i Qendrës Emergjente, Gëzim Mustafa, i cili tha se pacienti i është nënshtruar intervenimit nga ekipi i kirurgjisë abdominale.

“Pacienti i është nënshtruar intervenimit kirurgjik në sallën operative të Emergjencës nga ekipi i kirurgjisë abdominale, ata na thanë është jashtë rrezikut për jetë”, ka thënë Mustafa për Zërin.

Ndryshe, personi në fjalë është plagosur sot rreth orës 07:30 te Tregu i Veturave, përkatësisht në rrugën Fushë Kosovë-Prishtinë.

Këtë e ka konfirmuar edhe Zëdhënësja e Policisë, Flora Ahmeti.

“Rreth orës 07:30 kemi pranuar informatën se në Tregun e Automjeteve në Prishtinë, një person është plagosur. Viktima është dërguar për tretman mjekësor”, ka thënë Ahmeti.

Njësitet e policisë kanë dalë në vendin e ngjarjes dhe kanë nisur hetimet lidhur me rastin, shkaqet e të cilit, ende nuk dihen.

-----