Ballina Lajme Bota/Rajoni Gati ligji, Vladimir Putin nuk mund të ndiqet penalisht edhe nëse le...

Gati ligji, Vladimir Putin nuk mund të ndiqet penalisht edhe nëse le detyrën

12
SHPËRNDAJE

Duma, Dhoma e Ulët e parlamentit rus ka mbështetur një pr.ligj që iu jep presidentëve rusë dhe familjeve të tyre imunitet nga ndjekja penale pasi ata të largohen nga detyra.

Ky ligj i ri është pjesë e ndryshimeve kushtetuese të miratuara në referendumin që u mbajt në muajin korrik dhe miratimi i tij nuk rrezikohet pasi mbështetësit e Presidentit Vladimir Putin dominojnë të dy dhomat e parlamentit.

Mandati i katërt i Putinit përfundon në vitin 2024, por ndryshimet e reja e lejojnë atë të kandidojë dhe për dy mandate të tjera.

Projekt-ligji për imunitetin ka risjellë në skenë spekulimet rreth të ardhmes politike të Putin. Ai ka qenë në pushtet që nga viti 2000, duke ushtruar ndikim dhe patronazh të madh.

Kritiku i presidenti Alexei Navalny shkroi në Twitter pas këtyre zhvillimeve “Pse Putin ka nevojë për imunitet tani? A mund që diktatorët të tërhiqen me vullnetin e tyre të lirë?”

Projekt-ligji kaloi një lexim të parë në Duma të martën, ku shumica e deputetëve i përkasin partisë pro-Putin Rusia e Bashkuar.

-----