Ballina Sport FSHF-ja përfiton nga fondi i UEFA-s për përballimin e krizës së pandemisë

FSHF-ja përfiton nga fondi i UEFA-s për përballimin e krizës së pandemisë

15
SHPËRNDAJE

Federata shqiptare e futbollit do të përfitojë nga një fond i UEFA-s. Institucioni numër 1 i futbollit në Evropë ka vendosur që t’u vijë në ndihmë federatave anëtare dhe klubeve të futbollit. UEFA ka vendosur të shpërndajë një fond prej 236,5 milionë eurosh, para që do të shkojë për 55 federatat që bëjnë pjesë në UEFA për të përballuar sa më mirë krizën e pandemisë Covid-19.

Fondi vjen nga programi i asistencës HatTrick që ka lindur në vitin 2004 me qëllimin për të mbështetur zhvillimin e disa zonave specifike të sektorit futbollistik në nivel lokal. Në këtë rast, çdo anëtar i UEFA-s përfshirë edhe Federatën Shqiptare të Futbollit, mund të përdorë kuotën që i takon nga ky fond në mënyrën që do ta konsiderojë më të nevojshme pa asnjë penalitet, mbi bazën e nevojave që ka. Një fond i rëndësishëm ky i miratuar nga presidenti i UEFA-s Aleksander Ceferin që u vjen në ndihmë federatave dhe klubeve evropiane përfshirë edhe ato shqiptare.

-----