Ballina Sport Flamur Golemi: Ja plani për ringritjen e Luftëtarit nga rrënimi që na...

Flamur Golemi: Ja plani për ringritjen e Luftëtarit nga rrënimi që na lanë dhe rikthimin në elitën e futbollit shqiptar

29
SHPËRNDAJE
- Sponsor gjeneral -

Kryebashkiaku i Gjirokastrës, Flamur Golemi, pak ditë më parë dha lajmin e mirë për sportdashësit gjirokastrit ku miratua krijimi i Fondacionit “Akademia e Futbollit Luftëtari”, që do të ringrejë ekipin.

Keqmenaxhimi dhe abuzimet që u kryhen nga bashkia dhe presidenca e larguar, bëri që klubi i Luftëtarit të kishte një numër të madh borxhesh dhe për këto abuzime kryebashkiaku Golemi ka paditur ish kryetaren Zamira Rami, ish presidentin Grigor Tavon dhe administratorin Bekim Haliaj.

Gjatë ditës së sotme kryebashkiaku Golemi ka zhilluar takime me përfaqësuesit e Akademisë së Futbollit Luftëtari, për të bashkëbiseduar për planin e ringritjes së ekipit nga rrënimi që u la nga financuesit e kaluar.

“Në buxhetin lokal 2021 do të financojmë zhvillimin e sportit dhe aktivitetin e Akademisë së Futbollit Luftëtari. Bashkëbisedova me përfaqësues të AF Luftëtari, për ringritjen e ekipit nga rrënimi që na lanë dhe rikthimin në elitën e futbollit shqiptar.

Me mbështetjen e të mirënjohurve Hitaj, Hysi, donatorëve si Vaskë Karanxha, futbollistëve në vite dhe sportëdashësve, do të shohim sërish Luftëtarin e ndeshjeve të spikatura. Prioritet fëmijët dhe talentet e reja, që Gjirokastrës të mos i mungojnë futbollistët, për ta përfaqësuar në kompeticionet kombëtare.

Do të investojmë në Fushën e Vjetër të Sportit. Ripërtërijmë historikun 90 vjeçar të futbollit gjirokastrit!”, shkruan Golemi. (TemA)

 

---- ---- ----
-----