Ballina Lajme nacionale Enver Hoxhaj reagon pas vendimit të Kushtetueses, kërkon unitet për finalen me...

Enver Hoxhaj reagon pas vendimit të Kushtetueses, kërkon unitet për finalen me Serbinë

16
SHPËRNDAJE

Zëvendëskryeministri, Enver Hoxhaj, i cili ishte pjesë e ekipit nga radhët e PDK-së, ka reaguar pas vendimit të Gjykatës Kushtetuese për të shpallur si antikusthetues Delegacionin Shtetëror për dialogun me Serbinë.

Ai ka thënë se e respektojnë një vendim të tillë të Kushtetueses, duke theksuar se partia e tij gjithmonë ka besuar se Kosova ka institucione legjitime për ta udhëhequr dialogun.

Ndër të tjera Hoxhaj ka thënë se konsensusi i brendshëm është i nevojshëm për arritjen e një marrëveshje finale me Serbinë që do të rezultojë me njohjen e ndërsjellë dhe fitimin e një ulëse në OKB.

“Ne do ta respektojmë vendimin e Gjykatës Kushtetuese mbi vlerësimin e kushtetutshmërisë së Ligjit për Detyrat, Përgjegjësitë dhe Kompetencat e Delegacionit Shtetëror të Republikës së Kosovës në Procesin e Dialogut me Serbinë. Nga fillimi, PDK ka besuar se Kosova ka institucionet legjitime për ta udhëhequr procesin e dialogut duke respektuar Kushtetutën e vendit. Ne vazhdojmë të besojmë, se megjithatë, konsensusi politik është i nevojshëm për ta arritur marrëveshjen finale me Serbinë që do të përfundonte me njohje të ndërsjellët dhe ulëse në OKB”, ka thënë Hoxhaj.

Vendimin e Kushtetueses e kanë respektuar edhe PSD-ja, të cilët sot kanë deklaruar se të gjithë anëtarët e kësaj partie që janë pjesë e delegacionit pushojnë së ushtruari detyrat e tyre.

PSD-ja ka fajësuar LDK-në dhe VV-në që kanë bërë të mundur që dialogu të kthehet përsëri në duart e presidentit Thaçi dhe kryeministrit Haradinaj.

-----