Ballina Lajme nacionale E pranon drejtori: Punonjës policie të përfshirë në trafik droge!

E pranon drejtori: Punonjës policie të përfshirë në trafik droge!

35
SHPËRNDAJE

Punonjës të Policisë së Shtetit janë përfshirë në trafikun e lëndëve narkotike apo kultivimin e saj. Në disa rrethe, si Shkodër dhe Vlorë kanë nisur hetimet ndaj disa funksionarëve të Policisë së Shtetit nga SHÇBA, që dyshohen se janë përfshirë në rastet abuzive.

Lajmi u bë i ditur nga zëvendësdrejtori i Përgjithshëm i SHÇBA-së, Adriatik Ago, pas pyetjes së bërë nga gazetarja e Top Channel, Anila Hoxha.

“Ministria e Brendshme përpara një muaji bëri një vlerësim të situatës së kultivimit të kanabisit në shkallë vendi dhe po e trajton me seriozitet këtë fenomen.

Në planin e marrjes së masave për parandalimin e marijuanës është përfshirë edhe SHÇBA. Ministria e Brendshme ka planin e saj të masave, Policia e Shtetit dhe ajo lokale ka të sajin.

SHÇBA është e përfshirë në këtë proces dhe ka të dhëna që punonjës policie janë të përfshirë në trafikun e lëndëve narkotike apo kultivimin e saj.

Do të bëjmë një takim me këto nivele që të kontrollojmë detyrat e vendosura nga titullari i Ministrisë së Brendshme. Jemi të hapur për të hetuar ndaj çdo punonjësi policie dhe kemi informacione. Në disa raste kemi nisur hetimet dhe në disa të tjera, pritet që të nisin. Hetime po zhvillohen në Shkodër dhe Vlorë, në lidhje me rastet e abuzimeve nga funksionarë të ndryshëm të Policisë së Shtetit”, tha Ago.

-----