Ballina Lajme nacionale Dënohet me nëntë vite 17 vjeçari që privoi nga jeta për hakmarrje...

Dënohet me nëntë vite 17 vjeçari që privoi nga jeta për hakmarrje një person në Ferizaj

31
SHPËRNDAJE

Ngjarja e rëndë ka ndodhur në pikë të ditës në Ferizaj.

Gjykata Themelore në Gjilan ka shpallur Aktgjykim dënues ndaj të miturit Sh. R. në kohëzgjatje prej nëntë (9) vite.

Express, një ditë pas privimit nga jeta, ka raportuar për rastin në fjalë, kur 17-vjeçari, Shqiprim Rexha, e qëlloi me tre plumba Mentor Aliun në qytet, para shumë qytetarëve e në pikë të ditës.

Kjo ngjarje ka ndodhur për shkaqe të hakmarrjes.

E Gjykata e Gjilanit sot ka shpallë aktgjykim dënues ndaj të miturit, Shqiprim Rexha.

I miturit, me datë 20.02.2019, rreth orës 22:30 minuta në rrugën “Ahmet Kaqiku” në Ferizaj, përkatësisht afër stacionit të autobusëve, për motive të ulëta, nga hakmarrja e paskrupullt, me dashje direkte dhe në mënyrë dinake e ka privuar nga jeta tani të ndjerin M. A., duke e qëlluar me revole njëherë në kokë dhe dy herë në shpinë.

Me këto veprime, i mituri ka kryer veprat penale “vra sje e rëndë” dhe “mbajtja në pronësi, kontroll ose posedim të paautorizuar të armëve”, vepra të sanksionuara me Kodin Penal të Republikës (KPRK).

Pas pranimit të fajësisë nga i mituri, trupi gjykues i Departamentit për të Mitur, ka shpall aktgjykim dënues, me nëntë vite bur gim, gjithashtu të miturit i vazhdohet masa deri në plotfuqishmërinë e këtij Aktgjykimi.

Një ngjarje e njejtë kishte ndodhur në mes të këtyre dy familjeve në vitin 2016.

Atëherë, Meriton Aliu, 20 vjeçar e kishte qëlluar me armë zjarri Samir Rexhën, 19 vjeç, dhe e kishte lënë të vdekur. Dje ndodhi njëjtë, këtë herë ishte vëllai i Samirit ai që mori hak ndaj familjes Aliu.

17-vjeçari, Shqiprim Rexha, do ta shihte në qytet Mentor Aliun dhe aty do ta qëllonte me tre plumba, para shumë qytetarëve e në pikë të ditës, e 25-vjeçari do të ndërronte jetë në vend të ngjarjes.

Si kishte nisur historia Aliu-Rexha që përfundoi me dy viktima?
Më 18 gusht të vitit 2016’të, rreth orës 18:00, në një banesë kolektive në rrugën “Rexhep Selimi”, Meriton Aliu, pas një përleshje që kishte pasur me Samir Rexhën do ta qëllonte atë me dy pluma, e i njëjti do të ndërronte jetë në vend të ngjarjes.

Në aktgjykim thuhet se të dy këta ishin takuar atë ditë për të biseduar lidhur me një mosmarrëveshje që e kishin pasur më herët. Meritoni kishte pranuar para gjykatës se kishte kryer aktin, me arsyetimin se e kishte bërë këtë gjë për vetëmbrojtje, pasi që kishte një kohë që po kërcënohej nga Samiri dhe atë ditë ishte i pari që kishte kërcënuar me armë.

Para gjykatës i njëjti kishte thënë se Samiri po i thoshte “a mendon që nuk të nxa, apo ke mëndu se nuk të zateti kurrë, gjatë kohës kur të dy po futeshin në banesën kolektive, e duke i përsëritur se nuk kishte frikë të shkrepte armën”.

Të dy këta njiheshin që nga shkolla fillore, e vetëm kohëve të fundit kishin pasur probleme të tilla, e atëherë kishin filluar edhe kërcënimet e Samirit për vrasje.

Meriton Aliu ishte dënuar me 16 vite nga Gjykata Themelore në Ferizaj për vrasje dhe armëmbajtje pa leje.

-----