Ballina Lajme nacionale Daçiq thotë se dëshiron të shkoj në Hagë si dëshmitar kundër UÇK-së

Daçiq thotë se dëshiron të shkoj në Hagë si dëshmitar kundër UÇK-së

36
SHPËRNDAJE

Gjykata Speciale po vazhdon me ftesa për ish-përfaqësuesit e UÇK-së.

Ivica Daçiq ka deklaruar se është i gatshëm të shkojë në Hagë si dëshmitar kundër Ushtrisë Çlirimtare të Kosovës.

Shefi i diplomacisë serbe, Ivica Daçiq ka deklaruar se është i gatshëm të shkojë në Hagë si dëshmitar kundër Ushtrisë Çlirimtare të Kosovës.

“Pa marrë parasysh në gjithçka, jam i gatshëm të shkojë në Gjykatën Speciale për krimet e UÇK-së, kam materiale që më së miri flasin për atë se kush kënd e ka dëbuar nga Kosova”, deklaroi Daçiq për të përditshmen serbe “Novosti”, transmeton lajmi. net.

Daçiq i është përgjigjur deklaratave të fundit nga këshilltari i Behgjet Pacollit, Jetlir Zyberaj i cili ka publikuar disa dokumente të cilat, sipas tij, janë të Partisë Socialiste të Sersbië, të vitit 1999, në cilat dëshmohen planet kundër shqiptarëve dhe tentimi për fshehjen e masakrave dhe dëbimeve nga shtëpitë të qytetarëve të Kosovës.

Daçiq i ka thënë se mjafton t’i shikojë deklaratat e tij nga seancat e Këshillit të Sigurimit në OKB dhe të mos hyjë në arkiva të tjera.

“Sa është Kosova shtet, aq mund të besohet edhe në raportin kundër SPS-it për të cilin ka halucinacione Zyberaj. Por, nuk është halucinacion, për fatin e keq, por realitet që qëndron se më tepër se 20 mijë serbë të dëbuar nga Kosova në dy dekadat e fundit nuk mund të kthehen në shtëpitë e tyre”, u shpreh ai.

Daçiq ka thënë se është i gatshëm të shkojë në Gjykatën Speciale, por si dëshmitar kundër krerëve të Zyberajt dhe qeverisë nga Prishtina që kanë krijuar organizatën sipas tij terroriste të Ushtrisë Çlirimtare të Kosovës.