Ballina Lajme Bota/Rajoni Conte: Nuk e dimë se kur do të përfundojë karantina, duhen respektuar...

Conte: Nuk e dimë se kur do të përfundojë karantina, duhen respektuar rregullat

67
SHPËRNDAJE
- Sponsor gjeneral -

Kryeministri italian Giuseppe Conte e pranon se në Itali nuk e dinë se kur do t’i japin fund karantinës. Por ai shtoi se masat që shteti ka marrë kanë dhënë rezultat.

----

“Në këtë moment nuk mund të them kur do të përfundojë bllokimi. Ne po ndjekim indikacionet e komitetit shkencor por Italia ishte vendi i parë që u përball me urgjencën. Përgjigja jonë ishte ndoshta jo e përsosur, por ne kemi bërë më të mirën bazuar në njohuritë tona. Vlefshmëria e masave tona është njohur nga OBSH-ja dhe rezultatet tregojnë se ne jemi në rrugën e duhur”, tha Conte për rrjetin amerikan Nbc News.

Ai kujtoi se italianët kanë qëndruar në shtëpi dhe kanë dalë vetëm kur ka qenë e domosdoshme.

“Mesazhi më i rëndësishëm për t’u dhënë qytetarëve tanë ka qenë të rrinë në shtëpi sa më shumë që të jetë e mundur. Dhe nëse ka nevojë të dilni, për punë ose të bëni pazar, respektoni rregullat e sigurisë. Ne po kërkojmë një sakrificë të madhe për popullin tonë, unë jam i vetëdijshëm për të, por kjo është mënyra e vetme. Sa më shumë t’i respektojmë rregullat, aq më shpejt do të dalim nga urgjenca”, tha kryeministri duke shtuar “Që nga fillimi i pandemisë, Italia e ka vendosur shëndetin publik në krye të prioriteteve. Zgjedhjet tona politike janë bazuar në prova shkencore. Është thelbësore të zbatohen këto vendime në transparencë të plotë, për të siguruar shëndetin e tyre. Ky është modeli“.

----- ----