Ballina Lajme nacionale Catherine Ashton- Thaçit e Vuçiqit: Ma keni thyer zemrën

Catherine Ashton- Thaçit e Vuçiqit: Ma keni thyer zemrën

37
SHPËRNDAJE

Ish-ndërmjetësuesja e Bashkimit Evropian në bisedimet mes Kosovës dhe Serbisë, Catherine Ashton u ka thënë Hashim haçit dhe Aleksandar Vuçiqit se ia kanë thyer zemrën.

Ajo e thotë këtë pasi që thotë se në kohën kur ajo ka qenë e angazhuar për bisedimet Kosovë – Serbi, të dyja vendet kanë arritur një marrëveshje mjaft të vështirë.

“Mund tu them presidentëve të Kosovës dhe Serbisë që ka qenë privilegj jo vetëm t’u ndihmoj ju, jo vetëm juve, por popujt që përfaqësoni. Në atë kohë këta të dy nuk ishin presidentë dhe dua të shprehë mirënjohjen time që keni punuar shumë dhe keni arritur diçka që dukej e pamundshme. Por kjo më thyen zemrën tani sepse kur kujtoj se arritja e marrëveshjes së parë ka qenë shumë e vështirë dhe unë nuk kam besuar që nga ajo kohë ende keni probleme të tilla. Unë e kuptoj presidentin Gjukanoviq që me këtë proces është më i frustruar sepse ju duhet të bëni më shumë. Në këtë dhomë ka shumë njerëz që mund t’ju ndihmojnë, çka mund të bëjmë më shumë që të keni mirëbesimin e njerëzve dhe tu japë hapësirë që të bisedoni. Sinqerisht unë nuk besoj që në këto momente keni edhe mundësi të bëni diçka”, ka thënë Ashton.

-----