Ballina Lajme nacionale Bytyqi paralajmëroi masa të reja për t’i ndihmuar objektet hotelierike

Bytyqi paralajmëroi masa të reja për t’i ndihmuar objektet hotelierike

7
SHPËRNDAJE
- Sponsor gjeneral -

Shkup, 7 prill  – Ata operatorë ekonomikë që këto dy javë do të jenë të mbyllur do të përfshihen me masa të reja, paralajmëroi Zëvendëskryeministri përgjegjës për çështjet ekonomike, koordinimin me resorët ekonomik dhe investimet, Fatmir Bytyqi në një publikim në Fejsbuk.

“Për momentin po shqyrtojmë disa modele që do të bazohen në mbulimin e një pjese të të ardhurave të realizuara në muajt e fundit. Sigurisht për krahasim duhet të marrim muaj me të cilët mund të simulojmë se sa këto të njëjtat do të realizojnë të ardhura nëse kjo mbyllje nuk ndodh. Për momentin, përparësia është shëndeti dhe mbrojtja e shëndetit të qytetarëve, për të gjitha dëmet e shkaktuara në ekonomi, si edhe më parë, shteti do t’ju ndihmojë”, thekson zëvendëskryeministri Bytyqi në publikimin.

Ai tregon se si në gjendjen e jashtëzakonshme, ato objekte hotelierike që kryejnë dërgesa mund të vazhdojnë ta bëjnë të njëjtën gjë edhe pas orës policore, me lejet e duhura për lëvizje.

“Shtesë, gjatë ditës mund të shesin ushqim dhe pije nga sporteli (take away или to go) pa shërbim në vetë lokalet. Kjo sigurisht do të mundësojë që shumica e tyre të vazhdojnë të punojnë pjesërisht, shton zëvendëskryeministri Bytyqi.

The post Bytyqi paralajmëroi masa të reja për t’i ndihmuar objektet hotelierike appeared first on KOHA.

---- ----
-----