Ballina Lajme nacionale Burri privoi nga jeta gruan, detaje të reja nga rasti tragjik në...

Burri privoi nga jeta gruan, detaje të reja nga rasti tragjik në Prizren

191
SHPËRNDAJE

Një ngjarje e rëndë ka ndodhur sot në Prizren.

Bajram Velija ka qëlluar bashkëshorten e tij, policia e prangos, ai mbrohet në heshtje

Rrugën deri në shtëpi e bënë bashkë. Por një zënkë mes çiftit nga Prizreni, u kthye në tragjedi.

Bajram Velija të martën mbrëma dyshohet se qëlloi bashkëshorten e tij, 49-vjeçaren, Armenda Velija.

E menjëherë pasi që e kreu këtë akt makabër pak metra larg shtëpisë së tyre, Bajram Velija e telefonoi vëllain, për ta njoftuar për veprën e bërë.

E pas kësaj, 61-vjeçari i e kishte telefonuar edhe policinë, duke iu rrëfyer se e qëlloi gruan.

E Policia iu përgjigj kësaj thirrje, duke e gjetur dorasin në vendin e ngjarjes.

Mësohet se çifti kishte ardhur për pushime në Kosovë, pasi që të njëjtit po jetonin jashtë vendit.

Për të dy, viktimën dhe dorasin, kjo ishte martesa e dytë, ndërsa fqinjët thonë se nuk mbajnë mend që të kenë pasur probleme me herët.

Motivet e kësaj ngjarje, mbesin të panjohura edhe për Prokurorinë e Prizrenit.

Zëdhënësja e Prokurorisë së Prizrenit, Fitore Mehmeti, thotë që me herët nuk është raportuar se brenda kësaj familje kishte keqkuptime.

Për rastin e gruas nga Prizreni, që ishte edhe nëna e këshilltares së Ramush Haradinaj, ka reaguar kryeministri i Kosovës, dhe liderët tjerë institucionalë.

-----