Ballina Lajme Bota/Rajoni BE dënon vrasjen e zyrtarit më të lartë të programit bërthamor në...

BE dënon vrasjen e zyrtarit më të lartë të programit bërthamor në Iran: Akt kriminal, duhen evituar përshkallëzime që s’janë në interes të asnjërit

33
SHPËRNDAJE
- Sponsor gjeneral -

Bashkimi Evropian ka dënuar sot vrasjen e kreut të programit bërthamor të Iranit, Mohsen Fakhrizadeh, në një atentat me stil terrorist, duke e quajtur “akt kriminal.

Zëdhënësi i çeshtjeve të jashtme të BE, Peter Sano, tha se vrasja e shkencëtarit iranian pranë kryeqytetit Teheran, shkel parimet e të drejtave të njeriut.

“Ky është një akt kriminal që shkel parimet e respektit për të drejtat e njeriut, çka BE përfaqëson,” tha zëdhënësi në një deklaratë.

Ai shprehu gjithashtu ngushëllime për familjen e Mohsen Fakhrizadeh dhe i uroi shërim të shpejtë të plagosurve në sulm.

“Në këto kohë pasigurie, është e rëndësishme që të gjitha palët të mbeten të qeta e të përmbajtura duke evituar përshkallëzime që nuk janë në interes të asnjërit”, shtoi ai.

Sekretari i përgjithshëm i OKB, Antonio Guterres theksoi rëndësinë e përmbajtjes përballe përshkallëzimeve rajonale pas vrasjes së shkencëtarit të lartë iranian.

---- ----
----
-----
-----