Ballina Lajme nacionale Azilantët/ Gjermania u jep para shqiptarëve për t’u larguar, në vend të...

Azilantët/ Gjermania u jep para shqiptarëve për t’u larguar, në vend të dëbimit

53
SHPËRNDAJE

Që nga vitit 2014, më shumë se 100.000 azilkërkues kanë marrë përpara se të largohen nga Gjermania një formë ndihme dhe shqiptarët zënë kreun e kësaj renditjeje. Kush kthehet vullnetarisht pas një procedure azili të dështuar mund të aplikojë për ndihmë financiare të kthimit. Për autoritetet gjermane ky variant është më pak i kushtueshëm se sa dëbimi. Megjithatë, siç thotë DW, nje pjesë e këtyre personave rikthehen prapë në Gjermani. Pas shqiptarëve që janë të parët në marrjen e ndihmës së kthimit, me 1345 vetë, renditen serbët me 1088 persona. Një ndihmë të tillë ndërkohe e kanë pranuar dhe shumë azilkërkues të refuzuar, të cilët vinin nga Gjeorgjia, Rusia, Maqedonia Veriore dhe Iraku. Më të paktët që e kanë përdorur këtë program janë afganët dhe turqit.  Parimisht ndërkohë, një azilkërkues mund të marrë vetëm një herë ndihmë në para nga programi i ndihmës. Kush e merr këtë ndihmë dhe pastaj kthehet sërish në Gjermani duhet ta rikthejë atë. Sipas Ministrisë së Brendshme gjermane, deri tani, janë rikthyer 83.000 euro, në një kohë kur për programin e vitit 2018 janë shpenzuar 9,5 milionë euro.

-----