Ballina Sport Atentat në Ekuador, vritet brenda në shtëpi futbollisti 20 vjeçar

Atentat në Ekuador, vritet brenda në shtëpi futbollisti 20 vjeçar

30
SHPËRNDAJE
- Sponsor gjeneral -

Futbollisti Edwin Espinoza është ekzekutuar nga një breshëri plumbash në shtëpinë e tij në qytetin Guajakil. 20-vjeçari është vrarë mbrëmjen e kaluar në derën e banesës së tij dhe ka tronditur të gjithë botën e futbollit në Ekuador.

Lajmi i hidhur është bërë me dije nga vetë klubi i tij, Guajakili, që njoftoi se ekipi tashmë kishte humbur një lojtar model dhe një djalë të respektuar e me rregulla.

----

Ndërkohë mediat vendase, shtojnë se Espinoza nuk ka qenë shënjestra e atentatit. ata shkruajnë se atentatorët duhet ta kenë ngatërruar futbollistin me dikë tjetër, për të cilin ishin edhe plumbat.

Ai ishte i izoluar njësoj si e gjitha bota në karantinë, në shtëpinë e tij në lagjen mjaft popullore,  Isla Trinitaria, dhe plumbat e kanë kapur sapo ka hapur derën.

Guajakili është qyteti më i prekur i Ekuadorit nga koronavirusi dhe gjendja është e vështirë për shkak problemeve në sistemin shëndetësor. Ndërkohë të afërmit e 20-vjeçarit të ndjerë janë marrë në pyetje për të zbardhur detaje në lidhje me atentatorët që nuk lanë asnjë gjurmë pas.

----- ----