Ballina Lajme nacionale 26 raste të reja me koronavirus në Kosovë, shkon në 630 numri...

26 raste të reja me koronavirus në Kosovë, shkon në 630 numri i të infektuarve

24
SHPËRNDAJE

Ka shkuar në 630 raste numri i të prekurve me Covid-19 në Kosovë, ku 18 persona kanë ndërruar jetë. Nga të dhënat e Laboratorit të Mikrobiologjisë Molekulare në IKSHPK,10 pacientë janë shëruar gjatë 24 orëve të fundit duke e çuar numrin e përgjithshëm të të shëruarve deri më 138 raste.

IKSHPK ka bërë të ditur se janë testuar gjithsej 5.372 mostra të dyshimta në virusin SARS-CoV-2, përmes metodës RT-PCR, ku 630 prej tyre rezultuan positive.

Ndërkaq, përsa u përket fataliteteve autoritetet shëndetësore theksojnë se viktimat kanë qenë persona të cilët kanë pasur sëmundje të tjera bashkëshoqëruese.

172 mostra të marra nga Klinika Infektive, gjurmimi i kontakteve të rasteve në terren si dhe nga karantina në Qendrën studentore, janë testuar vetëm gjatë ditës së sotme, nga të cilat 26 rezultuan positive.

IKSHPK në vazhdimësi përgjatë 24 orëve janë duke kontaktuar dhe mbikëqyrur të gjitha kontaktet e rasteve, si dhe kontaktet e kontakteve duke iu kërkuar atyre vetëizolim dhe të kërkojnë ndihmë mjekësore në rast shfaqjesh së simptomave. Deri më sot janë kontaktuar dhe janë nën mbikëqyrje 6.949 kontakte të rasteve.

-----