Zyrtare: Ulen taksat kufitare për 50 për qind

0

Sigurimi kufitar me kohëzgjatje prej 15 ditëve, tani do të kushtojë 15 euro, ndërsa për një muaj 20 euro. Për dy muaj qëndrim në Kosovë tani paguhet vetëm 35 euro

kartoni.jpg

Banka Qendrore e Republikës së Kosovës, mori vendimin për uljen e policave kufitare për bashkatdhetarët kosovarë për 50 për qind. Vendimi erdhi pas kërkesës që bëri kryesuesi i Byrosë së Sigurimeve të Kosovës, Rrahim Pacolli, ndërsa do të filloj të aplikohet nga 1 korriku, kur fillon ardhja e bashkatdhetarëve.

“Ulja e tarifave të sigurimit kufitar të autopërgjegjësisë do të aplikohet për të gjitha kategoritë e mjeteve motorike. Tarifat për kategorinë e “auto veturave”, që kryesisht kanë ndikim te bashkatdhetarët tanë që jetojnë në diasporë”, thuhet në komunikatën për media të Bankës Qendrore të Kosovës.

Sipas këtij vendimi, policat e sigurimit kufitar me kohëzgjatje prej 15 ditëve, tani do të kushtojë 15 euro, ndërsa policat e sigurimit kufitar me kohëzgjatje prej 1 muaj, do të kushtojë 20 euro, kurse për kohëzgjatje prej dy muajve do të paguhet vetëm 35 euro.

Mesatarja e zbritjes së tarifave të sigurimit kufitar të autopërgjegjësisë për kategorinë e “auto veturave” me afat qëndrimi në Republikën e Kosovës me kohëzgjatje nga 15 ditë deri në 2 muaj është 50 për qind, thuhet në qëndrimin e BQK-së.

Aplikimi i këtyre tarifave hyn në fuqi me datë 1 korrik 2015.

Shpërndaje në rrjetet sociale.

Comments are closed.

Facebook Auto Publish Powered By : XYZScripts.com