YouTube heq reklamat e bezdisshme nga videot
14:11 | 20 Shkurt 2017

Uebfaqja më e madhe e videove, YouTube, ka paralajmëruar disa ndryshime, përfshirë edhe largimin e reklamave 30-sekondëshe që më parë nuk mund të hiqeshin manualisht.

Kjo pasi Google duket se ka marrë parasysh ankesat e shumta të përdoruesve për reklamat e pahiqshme në aplikacionin e faqes për versionin mobil. “Si pjesë e ndryshimeve, kemi vendosur të ndërpresim përkrahjen e reklamave që nuk hiqeshin për 30 sekonda, që nga viti 2018 dhe të punojmë në formatet që i përshtaten edhe përdoruesve edhe reklamuesve”, ka njoftuar YouTube, raporton “GSM Arena”. YouTube nuk ka dhënë sqarime lidhur me reklamat tjera.

Alba Hoxha