VW motivon zëvendësimin e veturës së vjetër me të renë me ulje deri 10 mijë euro

0

Prodhuesi gjerman i makinave Volkswagen do të motivojë më një shumë prej 10 mijë eurosh për të gjithë ata, të cilët dëshirojnë të zëvendësojnë veturat e tyre të vjetra të kësaj marke.

Vendimi vjen në momentin kur Gjermania po angazhohet që të zvogëlojë emetimin e gazrave të dëmshme dhe pas skandalit të mashtrimit që ka përfshirë këtë kompani.

Blerësve do t’iu ofrohet zbritje prej 2 mijë eurosh për makinat, të cilat përmbushin standardin e ri “Euro 6” e deri në 10 mijë euro për Volkswagen Touareg.

Gjithashtu është propozuar një tjetër ulje prej 1000 deri në 2.380 euro për të gjithë blerësit e automjeteve elektrike.

Oferta do të vlejë deri në fund të vitit 2017, ka thënë një zyrtar i Volkswagenit për Agjensinë Franceze të lajmeve, (AFP).

Sipas zyrtarit, kompania është duke menduar edhe për zgjerimin e këtij plani jashtë Gjermanisë, në mënyrë që të mbulojë gjithë Evropën.

Propozimi i kompanisë vjen pas samitit të qeverisë dhe industrisë javën e kaluar për zgjidhjen e nivelit të lartë të gazrave të emetuara nga automjetet me motor dizel.

Shpërndaje në rrjetet sociale.
Google+ Disqus

Leave A Reply

comments powered by Disqus
Facebook Auto Publish Powered By : XYZScripts.com