Vrasja e 14 vjeçarit nga Kamenica, si ndodhi tragjedia

0

Dera e shkollës Asllan Thaçi në Karaqevë të Kamenicës është e mbyllur. Ajo nuk është hapur të premten, pasi mësimi nuk është mbajtur, në kujtim të ish nxënësit Luan Bernjashi, i cili një ditë më parë vdiq pas dhunës që ushtroi mbi të të babai i tij.

Dhimbja për humbjen e nxënësit të saj është e rëndë për kujdestaren e klasës, Drita Ferraj.

Ajo në një bisedë për Frontal, thotë se babait i Luanit, Gani Bernjashi kohët e fundit nuk interesohej për të birin.

Në anën tjetër, Gjykata Themelore e Gjilanit ka shqiptuar masën e paraburgimit prej 1 muaji për Gani Bërnjashin, që dyshohet për vrasjen e të birit.

Prokurori i lëndës, Shaban Spahiu ka shpjeguar për Frontal se si kishte ndodhur rrahja nga babait i 14 vjeçarit.

Ai thotë se e gjithë rrahja është bërë me vetëdije të plotë.

Në aktvendimin për masën e paraburgimit thuhet se i dyshuari Gani Bernjashi ka shfrytëzuar dy mjete për ta goditur të birin Luanin.

Fillimisht ai e kishte goditur 14 vjeçarin me një gyp uji dhe më pastaj me një shkop druri disa herë në pjesën e pasme të kokës.

Gani Bernjashi dyshohet për vrasje të rënd që sipas Kodit Penal denohet me më së paku 10 vite dhe më së shumti me burgim të përjetshëm.

----- ------- --------------

Shpërndaje në rrjetet sociale.

Comments are closed.

WP Facebook Auto Publish Powered By : XYZScripts.com
Gjuha / Jезик / Language »