Talenti nga komuna e Bujanocit me aplikacion në Android dhe iOS (Video)
14:15 | 24 Maj 2017

Revolucioni në fushën e teknologjisë informative i cili ka kapluar viteve të fundit mbarë rruzullin tokësorë, hiq më pak nuk ka ngecur edhe në botën shqiptare, përfshirë edhe Luginën. Në mesin e shumë entuziastëve në industrinë e “ IT “-së  është edhe Miran Behluli nga fshati Lluçan i komunës së Bujanocit. Me të mbaruar shkollën e mesme, në Shkup të Maqedonisë, Mirani ka lansuar një aplikacion që ka të bëjë me zhvillimin e një loje atraktive e që është i disponueshëm për dy sistemet kryesove operative të telefonave të meçur, Android dhe iOS. Aplikacioni i quajtur “ Orbavoid “ ka parë dritën javën e fundit, ndërsa është mirëpritur nga dashamirët e lojërave. Mirëpo, ky nuk do të jetë projekti i fundit që do të lansojë Mirani. I pasionuar për botën e kompjutorëve që nga vegjëlia, ai ka edhe shumë ambicie tjera të cilat do t’i kurorëzojë me sukses. Talenti i tij tashmë ka bërë jehonë edhe në mjedise të mëdha siç është Shkupi. Miran Behluli veprimtarinë e tij po e zhvillon në një prodkuksion me renome jo vetëm për Maqedoninë por edhe për mbarë rajonin. Mosha e re le të kuptoj se nga Mirani priten edhe shumë inovacione tjera me të cilat do të jetë krenare jo vetëm Lugina por gjithë bota shqiptare. Kreativiteti i tij padyshim se do të jetë i mirëseardhur për gjithë teknologjinë informative. Në fund ju sjellim sqarimin për shkarkimin e aplikacionit “ Orbavoid “ i cili është krejtësiht falas. https://www.youtube.com/watch?v=xXj7Hiank9w   Për Android- Playstore/ Orbavoid Për iOS- Appstore/ Orbavoid
Françeska Jaçe