Shqiptari vritet me thikë në Itali, pak para se të kthehej në Shqipëri
09:58 | 15 Mars 2015

Shqiptari vritet me thikë në Itali, pak para se të kthehej në Shqipëri
Një shqiptar është vrarë me thikë mbrëmjen e 13 marsit 2015 në rrugën Mantegna, në Zagarolo, provincë e Romës. Shqiptari i identifikuar si Michel Leskaj, 28 vjeç ishte me banim në Pistoia dhe mbrëmjen e djeshme kishte lënë qytetin e Toskanës për të shkuar në Bari, ku do t’i hipte tragetit për të ardhur në Shqipëri Por nuk dihet motivi si i riu nga ndryshuar rrugë dhe është ndalur në Zagarolo ku dhe ndoshta mund të jetë takuar me personin, i cili më pas është bërë dhe vrasësi i tij. Policia po heton motivet njëri prej të cilave është dhe larje hesapesh. Kishte qenë i riu i cili kishte telefonuar të motrën edhe ajo me banim në Pistoia për ti treguar se ishte goditur me thikë. Më pas kjo e fundit kishte telefonuar policinë. Ndërkonë në vendin ku ndodhi krimi një qytetar ka gjetur shqiptarin në makinën e tij të plagosur dhe telefonoi ndihmën e shpejtë. Policia po verifikon kamerat e sigurisë të instaluara në vendin ku ndodhi krimi
Françeska Jaçe