Shqipëri: Reportazh për pelivanët e Studeniçanit (Foto)

0

Fshati Studeniçan, i njohur ndryshe dhe si Karshiaka, ëshë një ndër fshatrat shqiptarë në Maqedoni, që ka ruajtur identitetin pa u ndikuar nga sllavët, përcjell Fakte.

Janë vetë banorët që ndër vite organizohen me njëri-tjetrin për të bërë manifestime me karakter tradicional.

Megjithatë, në këtë fshat organizohen dhe aktivitete, të cilat deri në njëfarë mënyre mund të cilësohen dhe si “të pazakonta”.

“Etno Fest-Tradita vazhdon”, quhet aktiviteti me performanca të rralla ku burra përlesheshin trup më trup në sytë e qindra bashkëfshatarëve.

Në këtë manifestim, marrin pjesë mbi njëqind mundës nga Kosova, Shqipëria, Bullgaria, Greqia, Turqia dhe sigurisht Maqedonia.

Ndryshe, Karshiaka shquhet për sportin e mundjes, dhe jorastësisht në finalen e kësaj gare arriti Muhamed Vejseli, pikërisht nga Studeniçani.

Përveç banorëve të Karshiakës, ky organizim tërheq vëmendjen e shumë qytetarëve dhe sportistëve nga vende të ndryshme, madje nuk mungoi as legjenda dhe kampioni botëror i mundjes, Shaban Tërstena./JOQ

 

Shpërndaje në rrjetet sociale.
comments powered by Disqus
WP Facebook Auto Publish Powered By : XYZScripts.com
Gjuha / Jезик / Language »