Ratifikohet marrëveshja për emrin me Greqinë

0

Kuvendi i Maqedonisë ka ratifikuar për herë të dytë marrëveshjen për emrin me Greqinë, me 69 vota pro dhe një abstenim.

Ratifikimi për së dyti vjen pas refuzimit të presidentit Gjorge Ivanov për ta nënshkruar paktin, si dhe pas dorëzimit të vendimit të kreut të shtetit në Kuvend javën e kaluar.

Tashmë, sipas Kushtetutës së Maqedonisë, presidenti e ka për detyrim ta nënshkruajë ligjin, transmeton tch.

Pakti me Greqinë parashikon mes të tjerash ndryshimin e emrit kushtetues të vendit, që pritet të njihet së shpejti si Republika e Maqedonisë së Veriut.

Gjithsesi, sërish ekziston frika se presidenti mund të mos e dekretojë sërish marrëveshjen për emrin, siç ka bërë me ligjin për përdorimin e gjuhëve që qëndron i bllokuar në Presidencë, duke shkelur kështu Kushtetutën.

----- -------

Shpërndaje në rrjetet sociale.

Comments are closed.

WP Facebook Auto Publish Powered By : XYZScripts.com
Gjuha / Jезик / Language »