Qeveria merr vendim për rritjen e pagave
15:58 | 12 Qershor 2018

Kryeministri i Kosovës, Ramush Haradinaj, në mbledhjen e qeverisë, ka anuluar vendimin e mëhershëm për pezullim të vendimit për rritje të pagave të fillimvitit.

Ai ka thënë se Ministria e Financave obligohet që të zbatojë ligjin.

Kryeministri e hodhi në votim çështjen e anulimit të vendimit të mëhershëm për pezullim të rritjes së rrogave. Asnjë nga ministrat nuk votoi kundër, ndërsa pati vetëm një abstenim.

“Me këtë votim aprovohet shfuqizimi i vendimit për pezullimin e ngritjes së pagave”, tha Haradinaj.

Edlira Rukaj