PSG sinjal Barcës, me hettrik nga Ibra (Video)
09:58 | 20 Mars 2015

Paris Saint-Germain ka shënuar fitore bindëse ndaj Lorientit në shtëpi me rezultat 3-1, ku shkëlqeu supersulmuesi, Zlatan Ibrahimovic.

psg-sinjal-barc-euml-s-me-hettrik-nga-ibra-video_hd Me të filluar ndeshja PSG aplikoi presion dhe menjëherë parizienët arritën një penalti.
Zlatan Ibrahimovic ishte konkret nga pika e bardhë, duke realizuar me një goditje të fuqishme për 1-0 (4'). Me këtë rezultat përfundoi pjesa e parë, kurse në pjesën e dytë PSG shkaktoi edhe frikë në mesin e fansave. Ayew në minutën e 67-të arriti të barazojë për 1-1. Kur të gjithë menduan se Lorient po nxjerr një pikë, ishte Ibra që sërish nga pika e bardhë shënoi (82') për 2-1. Ibra e vulosi fitoren e PSG-së në minutat shtesë, me një gol tjetër duke e kompletuar hettrikun. Me këtë fitore Parisi ka 58 pikë dhe okupon vendin e parë me një pikë më shumë se sa Lyoni. /Telegrafi/ https://vine.co/v/OYMihjOqgeO
Aurela Hoxha