Një i plagosur nga erërat e forta në Prishtinë
16:15 | 24 Shtator 2018

Fatmir Bilalli, nga sektori i emergjencave, tha për Radion Evropa e Lirë se erërat e forta rrëzuan pemë dhe shkaktuan dëme të tjera materiale në shumë pjesë të kryeqytetit të Kosovës.

“Problemi më i madh mbetet rrëzimi i gjësendeve nga kulmet e shtëpive dhe banesave, që paraqesin rrezik për qytetarët që kalojnë afër tyre”, tha Bilalli.

Kryetari i Prishtinës, Shpend Ahmeti, me anë të një postimi në llogarinë e tij në Facebook, i ftoi qytetarët të kenë kujdes.

“Për shkak të erërave të forta në Prishtinë, i lusim qytetarët të qëndrojnë në hapësira të mbyllura sa më shumë dhe të kenë kujdes të shtuar gjatë qëndrimit në ambiente të hapura”, tha Ahmeti.

Kristin Prengaj