Nga sot 50 për qind me lirë taksat kufitare

0

Nga dita e sotme, 1 Korrik, bashkatdhetarët do  të paguajnë 50 për qind me lirë taksat kufitare për hyrje në Kosovë me veturë. Nuk do të paguhet më 41 euro, por 20 euro

kartgj1.jpg

Nga mesnata ka hyrë në fuqi ulja e tarifave kufitare për 50 për qind për bashkatdhetarët që vijnë në Kosovë. Nga sot ata nuk do të paguajnë më nga 41 euro për vetura të rëndomta për një muaj qëndrim në vendlindje, por kjo shumë është reduktuar në 20 euro. Po ashtu tarifat me ulje vlejnë për të gjitha automjetet.

Vendimin për uljen e taksave kufitare e ka marrë Banka Qendrore e Republikës së Kosovës, pas kërkesës që kishte bërë kryesuesi i Asamblesë së Përgjithshme të Byrosë Kosovare të Sigurimit, Rrahim Pacolli. Ky i fundit që ësht edhe pronar i kompanisë së sigurimeve “Siguria” ka kërcënuar BQK-në, se i vetëm do të aplikojë uljen e tarifave për 50 për qind për të gjithë bashkatdhetarët.

Rrahim Pacolli u ka uruar mirëseardhje të gjithë bashkatdhetarët. “Meqenëse nga ora 00:00 fillon zbatimi i vendimit për zbritje të tarifave të sigurimit kufitar në masë prej 50 për qind, shfrytëzoj rastin që bashkatdhetarëve të ju uroj mirëseardhje dhe pushim të këndshëm në vendlindje”, ka thënë Pacolli.

Ndryshe, sipas vendimit që ka marrë BQK, policat e sigurimit kufitar me kohëzgjatje prej 15 ditëve, tani do të kushtojë 15 euro dhe jo 30 euro sa kanë kushtuar më herët. Ndërsa policat e sigurimit kufitar me kohëzgjatje prej 1 muaj, tani do të kushtojë 20 euro, kurse për kohëzgjatje prej dy muajve do të paguhet vetëm 35 euro. Gjatë viteve të kaluar këto tarifa kanë qenë, 41 euro për 1 muaj dhe 71 euro për dy muaj.

Shpërndaje në rrjetet sociale.

Comments are closed.

Facebook Auto Publish Powered By : XYZScripts.com