Musliu kërkon ndërhyrjen ndërkombëtare për kthimin e teksteve

0
Kryetari i Këshillit Nacional të Luginës së Preshevës, Jonuz Musliu, ka kërkuar nga autoritetet e Shqipërisë dhe Kosovës ndërhyjnë në mekanizmat ndërkombëtarë që ta detyrojnë Serbinë të kthehen tekstet shkollore për nxënësit e shkollave e fillore në Luginë të Preshevës.
Jonuz Musliu
Musliu në një deklaratë për medie, gjithashtu ka kërkuar nga SHBA-të, BE-ja dhe shtetet tjera me ndikim në arenën ndërkombëtare që të ndërhyjnë të autoritet serbe për t’u kthyer librat shkollor në Luginë.  “Përmbajtja e teksteve shkollore nuk është terroriste ashtu siç trumbeton politika serbe, sepse Komandanti Legjendar i UÇK-së Adem Jashari, ka qenë çlirimtar i popullit shqiptar. Gjithashtu dëshirojmë të theksojmë se përmbajtja e teksteve shkollore ka porosi progresive për nxënësit dhe frymë të qartë të civilizimit euroatlantik. Kërkoj urgjentisht seancë speciale në Këshillin e Sigurimit të OKB-së për Luginën e Preshevës”, ka thënë Musliu.
 
Deklaratë e plotë e  kryetarit të Këshillit Nacional të Luginës së Preshevës, Jonuz Musliu:
Librat shqipe nga Kosova, Serbia nuk i lejon në Luginë të Preshevës!
Serbia dje më 1 mars 2016, përfundimisht i largoi dhunshëm dy ngarkesat që ishin në maune me tekstet shkollore nga Kosova, për nxënësit shqiptar të popullit të Luginës së Preshevës.
Ky hap i Qeverisë së Serbisë, është në kundërshtim me të gjitha normat të garantuara në arenën ndërkombëtare.
Kërkoj nga autoritet e Shqipërisë, nga presidenti z. Nishani, kryetari i Kuvendit z. Meta, nga kryeministri  z. Rama dhe nga ministrja e Arsimit dhe Sporteve të Shqipërisë znj. Nikolla dhe nga autoritet e institucioneve të Kosovës, nga presidenti në ardhje z. Thaçi, nga kryetari i Kuvendit z. Veseli, kryeministri Mustafa dhe ministri i Arsimit dhe Teknologjisë z. Bajrami, të ndërhyjnë në mekanizmat ndërkombëtarë që ta detyrojnë Serbinë të kthehen tekstet shkollore për nxënësit e shkollave e fillore në Luginë të Preshevës.
Gjithashtu kërkojmë nga SHBA-të, nga BE-ja dhe shtetet tjera me ndikim në arenën ndërkombëtare që të ndërhyjnë të autoritet serbe për t’u kthyer librat shkollor në Luginë.
Përmbajtja e teksteve shkollore nuk është terroriste ashtu siç trumbeton politika serbe, sepse Komandanti Legjendar i UÇK-së Adem Jashari, ka qenë çlirimtar i popullit shqiptar.
Gjithashtu dëshirojmë të theksojmë se përmbajtja e teksteve shkollore ka porosi progresive për nxënësit dhe frymë të qartë të civilizimit euroatlantik.
Kërkoj urgjentisht seancë speciale në Këshillin e Sigurimit të OKB-së për Luginën e Preshevës.
Nxënësit shqiptarë do ta përballojnë me sukses politiken antishqiptare serbe të asimilimit të Luginës së Preshevës!
Jonuz Musliu
Bujanovc 02.03.2016

Shpërndaje në rrjetet sociale.

Comments are closed.

Facebook Auto Publish Powered By : XYZScripts.com