Ky Real është i frikshëm

0

Ky Real është i frikshëm

Real Madridi ka rikthyer shumë shpejt kreun e tabelës, falë triumfit prej 5-1 kundër Rayo Vallecanos në Santiago Bernabeu.

Mbretërit ishin superiorë të pakontestueshëm në këtë përballje, gjysma e parë e të cilës përfundoi me rezultat 2-1.

I porsakthyeri nga lëndimi, Gareth Bale, ishte i pari që shënoi. Pas një kundërsulmi të Mbretërve, Ronaldo dërgoi një top të mirë te Kroos, i cili e nxori në rast uellsianin dhe ai nuk e pati të vështirë të realizonte (9’).

Mbrojtësi Sergio Ramos e dyfishoi epërsinë, pas një harkimi nga këndi (40’).

Mirëpo, një gabim të James e shfrytëzuan mysafirët për ta shënuar golin e nderit. Alberto Bueno ishte realizues (44’).

Los Blancos vazhduan me goleadën në pjesën e dytë. Fillimisht, Toni Kroos pranoi një top nga Ronaldo dhe e ngriti rezultatin në 3-1 (55’).

Një harkim nga këndi të CR7, Karim Benzema e konvertoi në gol (58’).

Dhe pas gjithë këtyre asistimeve nuk mund të mungonte goli i njeriut kryesor. Cristiano Ronaldo e vendosi rezultatin përfundimtar (83’).

Real Madridi është në krye të tabelës me 27 pikë, dy më shumë se Barcelona.

Shpërndaje në rrjetet sociale.

Comments are closed.

Facebook Auto Publish Powered By : XYZScripts.com